Россия Гидрометеорология маркази илмий директори Роман Вильфанд 30 даражадан юқори ҳаво ҳарорати коронавирус инфекциясини йўқ қилишга ёрдам бермаслигини айтди, деб хабар бермоқда «Интерфакс».
«Ҳафсалангизни пир қиламан: 30 даражадан юқори ҳарорат коронавирусни йўқ қилиши ҳақида аниқ маълумот йўқ», — деган Роман Вильфанд матбуот анжуманида.
Унинг сўзларига кўра, бунга юқори ҳарорат кузатиладиган мамлакатлардаги вазият, хусусан, «касалланиш даражасида тез суръатларда ривожланган» Туркия, Исроил, Хитойни мисол бўлиши мумкин.
Шу билан бирга, Вильфанд ёзда қисқа тўлқинли кучли нурланиш, биринчи навбатда ультрабинафша нурланиш кузатилиши ва у коронавирус ривожланишига тўсқинлик қилишини ҳам айтиб ўтган.
Гидрометеорология маркази илмий раҳбари яқин олти ой ичида Россияда ҳаво ҳарорати юқори бўлишига умид қилмаса ҳам бўлишини айтган.
Аввалроқ АҚШнинг Биологик ҳимояга қарши кураш ва таҳлил миллий маркази олимлари қуёш нури SARS-CoV-2 вирусини йўқ қилиши мумкинлигини, аммо у қуёш нурлари таъсир қилиш давомийлиги, кенглиги ва куннинг қайси вақтида таъсир кўрсатишига боғлиқлигини аниқлаганди. Франциянинг Прованс университети олимлари эса тадқиқотлар давомида коронавирусни бир соат давомида 60 даражага қиздирганидан кейин ҳам унинг баъзи штаммлари кўпайиш хусусиятини сақлаб қолиши мумкинлигини маълум қилганди.
Изоҳ (0)