11—20 ноябрь кунлари Флоридада бўлиб ўтадиган RM Sotheby’s аукциони орқали 1990 йилда ишлаб чиқарилган афсонавий Nissan 300 ZХ Z32 автомобили сотувга қўйилади. Идеал ҳолатда сақланган спорткар ҳозирга қадар 14 350 километр йўл босган, деб хабар беради Motor.
Nissan 300ZХ Z32 япон З-сериясининг иккинчи авлоди ҳисобланади. Спорткар 1989 йилдан 2002 йилга қадар ишлаб чиқарилган. 1990 йилда Американинг машҳур Motor Trend журнали моделга «Йилнинг энг яхши хориж автомобили» номини берган. Мазкур купе тюнинг учун жуда мос келгани сабаб унинг ҳозирги кунга қадар яхши сақланган нусхаси деярли учрамайди.
Бироқ сотувга қўйилган нусха — умуман бошқа ҳолат. 30 йил олдин Япониядан АҚШга олиб келинган спорткар идеал ҳолатда. Автомобиль кузови Platinum Mist рангига бўялган бўлиб, ўзининг дастлабки ҳолатини сақлаб қолган, бироқ жойида занглаш аломатлари йўқ. Рули ўнг томонда жойлашган купе қора чарм билан қопланган, ойналарида эса ҳалигача оригинал япон этикеткалари сақланган.
Nissan 300ZХ Z32 капоти остидан 300 от кучига (384 Нм) эга уч литрли V6 иккиталик турбошиширма двигатели ўрин олган. Агрегат беш поғонали механик узатмалар қутиси ёрдамида ишлайди. Купе соатига 100 километр тезликка 6 сонияда эришади. Моделнинг қўшимча бошқарувчанлиги орқа ўқдаги фаол тизим орқали таъминланади. Аукцион орқали сотувга қўйилган купе нархи сўров юборган харидорларга маълум қилинади.
Аввалроқ Boney М гуруҳи асосчисига тегишли ноёб BMW М1 аукцион орқали сотувга қўйилиши тўғрисида хабар берилганди.
Изоҳ (0)