Қамчиқ довонида Damas ўзидан олдинда кетаётган юк машинасига урилиши оқибатида бир киши ҳалок бўлди, дея хабар бермоқда ЙҲХББ.
Қайд этилишича, 2020 йил 3 ноябрь куни 13:30 ларда Тошкент–Ўш йўлининг 247-километрида Андижон вилоятида яшовчи 1981 йилда туғилган фуқаро Damas русумли автомашинасини бошқариб бораётиб ўзидан олдинда ҳаракатланиб кетаётган Қозоғистоннинг Олмаота вилоятида яшовчи фуқаро бошқарувидаги Volvo русумли юк машинасининг орқа томонига урилган.
Натижада Damas’нинг олд ўриндиғида кетаётган ҳайдовчининг 33 ёшли турмуш ўртоғи оғир тан жароҳати олиб воқеа жойида вафот этган. Ҳолат бўйича суриштирув ишлари олиб борилмоқда.
Масъуллар томонидан ушбу ЙТҲга сабаб бўлган омиллар ўрганилди. Унга кўра, йўлнинг ҳодиса содир бўлган қисми тунги ёритиш чироқлари билан ёритилади. Шунингдек, 2021 йилда довондаги йўл нишабини инобатга олиб, қўшимча 9 та фавқулодда йўлакча ташкил этиш белгиланди.
Изоҳ (0)