Тошкент вилояти Бекобод туманида аёли билан ажрашган эр 3 нафар фарзандига 18 га қадар тўлгунига қадар тўланиши керак бўлган алимент пулини бир йўла тўлади, дея хабар бермоқда «Дарё»га Мажбурий ижро бюроси.
Қайд этилишича, Мажбурий ижро бюроси Бекобод тумани бўлими томонидан фуқаролик ишлари бўйича Бекобод туманлараро судининг қарздор Ф.Қобиловдан ундирувчи Г.Қобилованинг фойдасига уч нафар фарзандлари таъминоти учун 1/2 қисм миқдорида алимент ундириш тўғрисидаги ижро ҳужжати бўлим иш юритувига 2013 йил 25 декабрда келиб тушган.
Шу куннинг ўзида ижро иши юритишни қўзғатиш тўғрисида қарор қабул қилиниб, қарор нусхаси тарафларга юборилган.
Ижро ҳаракатлари давомида қарздор Ф.Қобиловнинг мулкий аҳволини ўрганиш мақсадида тегишли ташкилотларга сўров хатлари юборилган бўлиб, олинган жавоб хатларига кўра қарздорнинг номига мол-мулклар расмийлаштирилмаганлиги аниқланиб, бу ҳақида тегишли тартибда далолатнома тузилган.
Олиб борилган ижро ҳаракатлари давомида қарздорга нисбатан Маъмурий жиноят тўғрисидаги кодекснинг 474-моддасига асосан маъмурий ишлар бўйича Бекобод туман судининг 2020 йил 23 июндаги қарорига биноан 21 миллион 660 минг 947 сўм қарздорлиги сабабли 15 сутка қамоқ жазоси тайинланган.
Шундан сўнг қарздор Ф.Қобилов фарзандлари таъминоти учун алимент пулларини олдиндан тўлаб бериш хоҳишини билдирган. Алиментчи отанинг илтимосига биноан туман давлат ижрочиси томонидан фарзандлари 18 ёшга тўлгунга қадар бўлган алимент пуллари ҳисоблаб берилган.
Ота томонидан тўланиши керак бўлган сумма 133 729 169 сўм 90 тийинни ташкил қилган. Қарздор Ф.Қобилов томонидан ушбу пул маблағлари ундирувчи Г.Қобилованинг тилхатига асосан тўлиқ ундириб берилган.
Изоҳ (0)