LUKOIL Ўзбекистонда газ қазиб олиш ҳажмини сезиларли даражада лойиҳа қувватининг 70% гача оширди. Шу билан бирга, Қандим конлар гуруҳида газ қазиб олиш тўлиқ 100% гача тикланди. Бугунги кунда углеводородларнинг кунлик ўртача ишлаб чиқарилиши – кунига 30 минг тоннани ташкил қилади.
Жорий йилнинг бошида коронавирус инфекцияси пандемияси туфайли газга бўлган талабнинг қисқариши ва халқаро бозорларда газ нархларининг пасайиши жаҳонда газ истеъмоли камайишига, шу жумладан, ўзбек газини қазиб олиш ва экспорт қилиш ҳажмининг пасайишига олиб келди. Хитойда газга бўлган талабнинг пасайиши натижасида жорий йилнинг биринчи ярмида Ўзбекистонда LUKOIL томонидан газ қазиб олиш лойиҳа имкониятларидан 20% гача пасайтирилди.
LUKOIL Ўзбекистон Республикаси билан маҳсулот тақсимотига оид битим доирасида Хаузак-Шоди, Қандим ва Ҳисор конларида инвестициянинг умумий ҳажми 8 миллиард АҚШ доллари атрофида бўлган кенг кўламли лойиҳаларни амалга оширмоқда. Ўзбекистоннинг LUKOIL билан ҳамкорликдан олган даромади ҳозирги вақтда 4 миллиард доллардан ортиқни ташкил қилади.
«LUKOIL Uzbekistan Operating Company» МЧЖ матбуот хизмати
Реклама ҳуқуқи асосида
Изоҳ (0)