Икки вазн тоифасида собиқ UFC чемпиони Конор Макгрегор ўзини Брюс Ли билан таққослади.
«Биринчиси Брюс Ли эди. Ҳозир эса бу Конор Макгрегор», — деб ёзиб қолдирди ирландиялик жангчи Twitter’даги саҳифасида.
Шунингдек, у Лининг машҳур иқтибосини ҳам келтирди: «Керакли жиҳатларни ўзлаштир, фойдасизларидан фориғ бўл ва ўзингдан нимадир қўш».
Эслатиб ўтамиз, аввалроқ Макгрегор 2020 йилнинг 12 декабрида Дастин Порье билан жанг қилишини маълум қилганди. Эълон қилинган постерда UFC ташкилоти ҳақида ҳеч қандай маълумот йўқ эди. Шундан сўнг Дастин Порье UFC ҳомийлигида Конор билан жанг қилишга рози бўлганини маълум қилди. Ўз навбатида Макгрегор ҳам ташкилотнинг таклифига рози бўлди.
Макгерегор ва Порье ўртасидаги 2014 йилнинг 27 сентябрида бўлиб ўтган биринчи беллашувда ирландиялик жангчи нокаут билан ғалаба қозонганди.
Конор 2020 йилнинг ёзида 3-бор фаолиятини якунлаганини эълон қилганди.
Макгрегор MMA’да 26 жанг ўтказиб, уларнинг 22 тасида ғолиб чиққан (20 та муддатидан аввал) ва 4 бор мағлуб бўлган.
Изоҳ (0)