Ikki vazn toifasida sobiq UFC chempioni Konor Makgregor o‘zini Bryus Li bilan taqqosladi.
“Birinchisi Bryus Li edi. Hozir esa bu Konor Makgregor”, — deb yozib qoldirdi irlandiyalik jangchi Twitter’dagi sahifasida.
Shuningdek, u Lining mashhur iqtibosini ham keltirdi: “Kerakli jihatlarni o‘zlashtir, foydasizlaridan forig‘ bo‘l va o‘zingdan nimadir qo‘sh”.
Eslatib o‘tamiz, avvalroq Makgregor 2020-yilning 12-dekabrida Dastin Porye bilan jang qilishini ma’lum qilgandi. E’lon qilingan posterda UFC tashkiloti haqida hech qanday ma’lumot yo‘q edi. Shundan so‘ng Dastin Porye UFC homiyligida Konor bilan jang qilishga rozi bo‘lganini ma’lum qildi. O‘z navbatida Makgregor ham tashkilotning taklifiga rozi bo‘ldi.
Makgeregor va Porye o‘rtasidagi 2014-yilning 27-sentabrida bo‘lib o‘tgan birinchi bellashuvda irlandiyalik jangchi nokaut bilan g‘alaba qozongandi.
Konor 2020-yilning yozida 3-bor faoliyatini yakunlaganini e’lon qilgandi.
Makgregor MMA’da 26 jang o‘tkazib, ularning 22 tasida g‘olib chiqqan (20 ta muddatidan avval) va 4 bor mag‘lub bo‘lgan.
Izoh (0)