ИШИД террорчилик ташкилоти Венада уюштирилган теракт учун масъулиятни ўз зиммасига олди. Бу ҳақда террорчиларнинг ижтимоий тармоқлардаги фаоллигини кузатувчи SITE Intelligence Group маълум қилган.
ИШИД вакилларининг мазкур терактга алоқадорлиги ҳақида хабар ташкилотнинг Telegram каналларидан бирида эълон қилинган. Террорчилик ташкилоти бу борадаги далилларини намойиш қилмаган.
Террорчилар 2 ноябрь куни Вена марказида уюштирган теракт оқибатида 5 киши ҳалок бўлган ва 22 нафар одам турли даражадаги жароҳатлар олган.
Ҳужумда бевосита қанча террорчи иштирок этгани ҳанузгача маълум эмас, полиция одамларга бешта нуқтадан ўқ узилганини билдирган. Ҳужум уюштирганлардан бири отиб ташланган ва у ИШИДнинг 20 ёшли аъзоси бўлиб чиқди. Қотил аввал террорчиликда айланиб қамалган ва шартли равишда озодликка чиқарилган. Унинг шериклари қидирилмоқда, Австриянинг ўзида 16 киши гумонланувчи тарзида ҳибсга олинган, Швейцарияда ҳам икки нафар одам ушланган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)