IShID terrorchilik tashkiloti Venada uyushtirilgan terakt uchun mas’uliyatni o‘z zimmasiga oldi. Bu haqda terrorchilarning ijtimoiy tarmoqlardagi faolligini kuzatuvchi SITE Intelligence Group ma’lum qilgan.
IShID vakillarining mazkur teraktga aloqadorligi haqida xabar tashkilotning Telegram kanallaridan birida e’lon qilingan. Terrorchilik tashkiloti bu boradagi dalillarini namoyish qilmagan.
Terrorchilar 2-noyabr kuni Vena markazida uyushtirgan terakt oqibatida 5 kishi halok bo‘lgan va 22 nafar odam turli darajadagi jarohatlar olgan.
Hujumda bevosita qancha terrorchi ishtirok etgani hanuzgacha ma’lum emas, politsiya odamlarga beshta nuqtadan o‘q uzilganini bildirgan. Hujum uyushtirganlardan biri otib tashlangan va u IShIDning 20 yoshli a’zosi bo‘lib chiqdi. Qotil avval terrorchilikda aylanib qamalgan va shartli ravishda ozodlikka chiqarilgan. Uning sheriklari qidirilmoqda, Avstriyaning o‘zida 16 kishi gumonlanuvchi tarzida hibsga olingan, Shveysariyada ham ikki nafar odam ushlangan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)