АҚШ президенти Шимолий Каролина штатида ўз тарафдорлари қаршисида нутқ сўзлар экан, АҚШда матбуот эркинлиги йўқлигини айтди. Бу ҳақда Америка етакчисининг Twitter’ига таяниб, «РБК» хабар бермоқда.
«Бизда матбуот эркинлиги йўқ. Эҳтимол, анчадан бери йўқ бўлиб келган… Бизда матбуот томонидан сукут сақланиши бор», — деди Трамп.
Унинг сўзларига кўра, Американинг «ёлғончи» ОАВлари Демократик партиядан президент лавозимига номзод Жо Байденнинг «порахўрлиги»ни эътиборсиз қолдиришга ёки яширишга ҳаракат қилмоқда.
Аввалроқ New York Post газетаси Жо Байденнинг ўғли Хантернинг Burisma Украина энергетика компанияси топ-менежери Вадим Пожарский билан электрон ёзишмаларига асосланган мақолани чоп этган эди. Ўз хатларида Пожарский гўёки кичик Байденга унинг отаси билан уюштирилган учрашув учун миннатдорлик билдирган ва у ўз лавозимидан Burisma’га ёрдам бериш учун қандай фойдалана олиши мумкинлигини сўраган.
Газета маълумотларига кўра, бу ёзишма Делавэр штатида тузатиш учун устахонага берилган компьютернинг қаттиқ дискидан олинган.
Бу мақола эълон қилингач, Трамп Байденни ёлғончиликда ва порахўрликда айблади. Президент, шунингдек, Жо ва Хантер Байденларни қаматишга даъват этиб, ФҚБдан ушбу иш бўйича текширув олиб боришни талаб қилди.
Аввалроқ Дональд Трамп сайловдаги асосий рақиби Жо Байден эмас, балки ОАВ бўлишини айтганди.
Мавзуга доир: АҚШда президент сайловларида овоз бериш бошланди
Изоҳ (0)