Ҳиндистонда жуда кўп шакар ишлаб чиқарилгани сабаб мамлакат аҳолисидан кўпроқ ширинлик истеъмол қилиш сўралди. Аҳолига бу каби мурожаат билан Ҳиндистон шакар заводлари ассоциацияси чиққан. Шунингдек, ишлаб чиқарувчи шакарнинг фойдаси ҳақида сўзловчи махсус кампанияни ҳам бошлаб юборган, деб хабар беради BBC.
Қайд этилишича, мамлакатнинг ҳар бир аҳолиси йилига ўртача 19 килограмм шаҳар истеъмол қилади. Бу сайёра аҳолисининг ўртача кўрсаткичидан 4 килограммга кам демак.
Ҳиндистондаги 50 миллионга яқин фермер шакарқамиш етиштириш билан яна миллионлаб одам тегирмонларда ёки шакарқамишни етказиб бериш билан шуғулланади. Ҳиндистон шакар ишлаб чиқариш бўйича дунёда иккинчи ўринда туради, бироқ 2020 йилда шакар экспорти тўхтаб қолгани боис ишлаб чиқарувчилар шакарни мамлакат ичида сотиш ниятида.
Эндиликда ҳиндлар шакарнинг фойдаси, таркибига ширин маҳсулотлар кирувчи турли овқатлар рецепти ҳақида сўзловчи диэтолог ва ошпазларнинг ахборот кампанияси домида қолмоқда.
«Шакар — организм, мия ва мушаклар учун озуқа манбаи», — дейилади Ҳиндистон шакар заводлари ассоциацияси хабарида.
Шу билан бирга, Жаҳон соғлиқни сақлаш ташкилоти шакарни меъёридан ортиқ истеъмол қилиш соғлиқ учун зарарли эканлигидан огоҳлантирмоқда.
Изоҳ (0)