Ҳиндистонлик шифокор фирибгарлардан салкам 42 минг долларга «Оловуддин чироғи»ни сотиб олди

Ҳиндистоннинг Мератх шаҳрида истиқомат қилувчи шифокор икки нафар фирибгардан бойлик ва соғлик келтирадиган «Оловуддиннинг сеҳрли чироғи»ни сотиб олди. Эркак чироқни 3,1 миллион рупийга (41,5 минг доллар) харид қилган, деб ёзади BBC.

Жабларнувчининг сўзларига кўра, у икки нафар эркак билан ўзини уларнинг онаси деб таништирган аёлни даволашни бошлаганида танишган. «Улар уйларига келиб турган руҳ ҳақида сўзлай бошлашди. Мендан ушбу руҳ билан учрашишимни сўрашди», — дейди шифокор.

Унинг сўзларига кўра, эркаклар томонидан уюштирилган «сеҳрли сеанс» вақтида уларнинг қаршисида «Оловуддин» пайдо бўлган. Кейинроқ маълум бўлишича, фирибгарлардан бири эртак қаҳрамони кўринишида кийиниб олган.

Улар шифокорни «сеҳрли чироқ» бойлик, омад ва соғлик келтиришига ишонтириб, уни сотиб олишга кўндирган. Дастлаб фирибгарлар чироқ учун 15 миллион рупий (201 минг доллар) сўраган, бироқ кейинроқ 3,1 миллион рупий миқдоридаги дастлабки бадалга рози бўлган.

Шифокор орадан бироз вақт ўтгачгина алданганини тушуниб қолган.

Полиция катта офицери Меерута Амит Райнинг маълум қилишича, ушбу икки нафар эркак бошқа оилаларни ҳам худди шу усулда алдаганликда гумонланмоқда. «Иккиласи ҳам ҳибсга олинди. Аёл қочиб кетган», — дейди полициячи.

Эслатиб ўтамиз, 2019 йилда Фарғонада саратонни даволашда ёрдам берадиган «кўршапалак уяси»ни 15 минг долларга сотган фирибгарга ҳукм ўқилганди.