АҚШнинг Нью-Гэмпшир штати Диксвилл-Нотч шаҳри фуқаролари мамлакат президенти сайловида овоз берди, деб ёзади «РБК».
Бу шаҳарчада 1960 йилдан буён биринчи бўлиб сайловларда овоз бериш бошланади, у ярим тундан ўтгач дарҳол (Тошкент вақти билан 10:00)да The Balsams меҳмонхонасида очилди.
Овоз бериш якунлари шу заҳоти ҳисоблаб чиқилади, бу йил шаҳарчанинг барча беш нафар аҳолиси ҳам Демократлар партиясидан номзод Жо Байденни қўллаб-қувватлади.
Нью-Гэмпширда иккинчи шаҳарча — Милсфилд ҳам овоз бериб бўлди. Унинг 16 нафар аҳолиси амалдаги президент Дональд Трампни, беш нафари — Байденни қўллаб-қувватлади.
АҚШ президенти сайловида ғолиб тўғридан-тўғри сайловчилар томонидан эмас, балки сайловчилар коллегияси томонидан аниқланади. Жами сайловчилар 538 киши, ғалаба учун 270 кишининг овози керак. Сайловчилар сони ҳар битта штатда аҳоли сонига мос равишда тақсимланади — энг кўп аҳоли яшайдиган Калифорния штати 55 сайловчига эга. Иккинчи энг йирик штат — Техасда 38 сайловчи, Нью-Йорк ва Флоридада — 29 тадан сайловчи бор. Икки поғонали тизимни ҳисобга олганда, номзод умуммиллий даражада камроқ овоз тўпласа ҳам, муайян штатлардаги ғалабаси ҳисобига сайловда ғолиб бўлиши мумкин.
Изоҳ (0)