2012 йили Саҳрои Кабирдан топилган NWА 7533 метеоритининг таҳлиллари Марсда 4,4 миллиард йил олдин сув бўлганини кўрсатди. Олимлар томонидан ўтказилган тегишли тадқиқот натижалари Science Advances журналида чоп этилган.
Маълум қилинишича, оғирлиги 84 грамм бўлган метеорит Ер атмосферасига киришга парчаланган осмон жисмининг бир қисми ҳисобланади. Планетологлар қизил сайёрада сув камида 3,7 миллиард йил олдин мавжуд бўлганидан хабардор. Бироқ NWА 7533’нинг аниқланган ёши ҳисобга олиниб, яқинда ўтказилган тадқиқотлар унда минерал таркиб мавжудлигини кўрсатган. Бу эса олимларни Марсда сув олдинги ҳисоб-китобларидан 700 минг йил олдин мавжуд бўлган деган хулосага келишга ундаган.
«2012 йилда ерга тушган NWА 7533 метеоритининг минерал таркиби сувга хос оксидланиш аломатларини кўрсатди. Ушбу оксидланиш Марс юзасида сув бўлгани сабаб ёки 4,4 миллиард йил олдинги зарба оқибатида сайёра қобиғининг бир қисми эриши оқибатида содир бўлган», — дейди тадқиқот муаллифи, профессор Такаси Микучи.
2013 йилда олимлар NWА 7533’нинг ёши 4,4 миллионга тенглигини аниқлаган бўлиб, бу уни Марсга оид энг қадимий метеоритлардан бирига айлантиради.
Ер атмосфераси билан тўқнашув оқибатида парчаланган метеоритнинг икки бўлаги Саҳрои Кабирдан 2011 ва 2012 йилларда топилган. Олимлар ушбу тошлар Ерга айнан Марсдан келганини аниқланган, чунки уларнинг хусусиятлари Марсдаги роботлар томонидан олинган намуналарникига ўхшаш.
Аввалроқ NASA Ойнинг Ерга қараган томонида сув борлигини аниқлаган эди.
Изоҳ (0)