NASA parvoz qiluvchi Sofia infraqizil teleskopi yordamida olib borilgan Oyni o‘rganish ishlari davomida uning Yerga qaragan tomonida birinchi marta suv izlarini aniqladi. Bu haqda “Interfaks” xabar berdi.
For the 1st time, molecular water was discovered on a sunlit surface of the Moon, suggesting water may not be limited to cold, shadowed places. Goddard postdoc Dr. Casey Honniball, made the discovery using NASA's @SOFIAtelescope airborne observatory. https://t.co/TUFKK8Rl9x pic.twitter.com/1wiy05yS4r
— NASA Goddard (@NASAGoddard) October 26, 2020
Kashfiyot Boeing 747 samolyoti bortiga joylashtirilgan Germaniya—AQSh teleskopi Sofia’da olib borilgan tadqiqotlar doirasida aniqlangan.
“Biz birinchi marta Sofia teleskopidan olingan ma’lumotlar tufayli Oyning Quyoshga qaragan tomonida suv borligini tasdiqlay oldik. Bu suvdan resurs sifatida foydalana olamizmi yoki yo‘qligini hozircha bilmaymiz. Oy yuzasida suv izlash bizning Artemis dasturi doirasidagi tadqiqot rejalarimiz doirasida juda muhim hisoblanadi”, — deya ma’lum qilgan NASA rahbari Jim Braydenstayn.
Avval suv Oyning Quyosh nuri isitmaydigan orqa tomonidagi kraterlarida mavjud, deb hisoblanardi.
NASA’ning Artemis dasturi doirasida 2024-yilda amerikalik astronavtlarning Oy yuzasiga tushishi va uning muz shaklida suv zaxiralari mavjud deb hisoblanadigan Janubiy yarimsharida tadqiqotlar olib borishi rejalashtirilmoqda.
NASA tomonidan qayd etilishicha, mazkur zaxiralar suv, havo va yoqilg‘i manbai sifatida Oydagi uzoq missiyalarda resurs bo‘lib xizmat qilishi, shuningdek, uzoq kosmos tadqiqotlarini ta’minlashi mumkin.
1970-yillarda Sovet Ittifoqiga tegishli zond birinchi marta Oyning yuzasida suv izlarini aniqlagan. 1990-yillarda esa NASA’ning Clementine zondi Oyning yarimsharlari yaqinida yashash uchun mo‘ljallangan stansiyani suv va kosmik missiyalarni yoqilg‘i bilan ta’minlashi mumkin bo‘lgan muzni aniqlagan. 2018-yilda NASA Oyda shubhasiz suv borligini ma’lum qilgan, biroq uning zaxiralarining o‘lchamlari haligacha o‘rganilmagan.
