Саудия Арабистони ҳукумати космосни тадқиқ этиш бўйича ўз дастурини ривожлантиришга катта сармоя киритишни режалаштирмоқда. 2030 йилга бориб мамлакат соҳани молиялаштиришни 8 миллиард риёлга (2,1 миллиард доллар) ошириши керак, деб хабар беради «Korrespondent.net».
Сармоя киритиш иқтисодий диверсификация режаси доирасида кўз тутилган. Хусусан, у хорижий инвестицияларни жалб этиш ва ёш саудияликлар учун минглаб иш ўринларини яратишга йўналтирилган.
2018 йил охирида яратилган Саудия Арабистони Миллий космик агентлиги (SSC) ҳукуматга космик дастурини ривожлантириш бўйича режасини тақдим этган. Тахминларга кўра, у шу йилнинг ўзида эълон қилинади.
SSC раҳбари ва араб мамлакатларининг биринчи космонавти 64 ёшли шаҳзода Султон ибн Салмон ал-Сауднинг таъкидлашича, космик соҳада кўплаб имкониятлар мавжуд. Саудия Арабистони эса ундан максимал даражда фойдаланиш ниятида. Эслатиб ўтамиз, 1985 йилда шаҳзода Американинг Discovery кемаси билан космосга учган эди.
Шаҳзода Султон ибн Салмон ал-Сауд 18 йил давомида Саудия Арабистонининг Туризм ва мерос бўйича комиссиясига раҳбарлик қилган. Унинг сўзларига кўра, подшоҳлик космос йўналишида глобал ўйинчига айланишга уринмоқда. Ва космосни забт этиш саудияларикларнинг авлодлари учун янги истиқболларни совға қилади.
Шаҳзоданинг айтишича, АҚШ, Россия, Хитой, Ҳиндистон ва БААдаги космик агентликлар билан қатор битимларни имзолашни режа қилган.
Эслатиб ўтамиз, 2017 йилда Саудия Арабистони коинот туризми билан шуғулланадиган Virgin гуруҳи учун 1 миллиард доллар ажратиши маълум бўлганди.
Изоҳ (0)