Osiris-REx зонди Бенну астероид тупроғидан намуна олгани тўғрисида хабар берилганди. NASA зонд Бенну астероидидан олган тупроқ намуналари тасвирларини эълон қилган, мутахассислар эса миссия муваффақиятли ўтганини таъкидламоқда, деб хабар беради «РИА Новости».
Миссиянинг бош илмий раҳбари Данте Лоретта брифингда намойиш этган видеода қурилма Бенну юзасига тегиб тургани тасвирланган.
«Бизга ҳозиргача маълум бўлган маълумотлардан намуна олиш жараёни яхши ўтди деган хулосага кела оламиз», — дейди Лоретта.
Унинг сўзларига кўра, 21 октябрь куни зонддан олинган тасвирларни таҳлил қилиш асосида мутахассислар олиниши кутилган миқдордан-да кўпроқ намуна олишга муваффақ бўлган. NASA йиғилган материалларнинг аниқ миқдорини 26 октябрь куни маълум қилади.
NASA Osiris-REx миссиясини тарихий деб атаган. Бўлим бошлиғи Жим Брайденстайн брифингда тушунтирганидек, биринчи марта техноген қурилма Бенну сингари кичик космик жисм (атиги 500 метр) атрофида айланган. Тасвирларнинг Ерга қайтиши 2023 йилга режалаштирилган.
Бенну — Ердан 320 миллион километр узоқликдаги қадимий астероид. Беннунинг айрим минерал намуналари Қуёш тизимидан ҳам катта бўлиши мумкин. Астероид диаметри 492 метрга тенг.
Изоҳ (0)