2012-yili Sahroi Kabirdan topilgan NWA 7533 meteoritining tahlillari Marsda 4,4 milliard yil oldin suv bo‘lganini ko‘rsatdi. Olimlar tomonidan o‘tkazilgan tegishli tadqiqot natijalari Science Advances jurnalida chop etilgan.
Ma’lum qilinishicha, og‘irligi 84 gramm bo‘lgan meteorit Yer atmosferasiga kirishga parchalangan osmon jismining bir qismi hisoblanadi. Planetologlar qizil sayyorada suv kamida 3,7 milliard yil oldin mavjud bo‘lganidan xabardor. Biroq NWA 7533’ning aniqlangan yoshi hisobga olinib, yaqinda o‘tkazilgan tadqiqotlar unda mineral tarkib mavjudligini ko‘rsatgan. Bu esa olimlarni Marsda suv oldingi hisob-kitoblaridan 700 ming yil oldin mavjud bo‘lgan degan xulosaga kelishga undagan.
“2012-yilda yerga tushgan NWA 7533 meteoritining mineral tarkibi suvga xos oksidlanish alomatlarini ko‘rsatdi. Ushbu oksidlanish Mars yuzasida suv bo‘lgani sabab yoki 4,4 milliard yil oldingi zarba oqibatida sayyora qobig‘ining bir qismi erishi oqibatida sodir bo‘lgan”, — deydi tadqiqot muallifi, professor Takasi Mikuchi.
2013-yilda olimlar NWA 7533’ning yoshi 4,4 millionga tengligini aniqlagan bo‘lib, bu uni Marsga oid eng qadimiy meteoritlardan biriga aylantiradi.
Yer atmosferasi bilan to‘qnashuv oqibatida parchalangan meteoritning ikki bo‘lagi Sahroi Kabirdan 2011 va 2012-yillarda topilgan. Olimlar ushbu toshlar Yerga aynan Marsdan kelganini aniqlangan, chunki ularning xususiyatlari Marsdagi robotlar tomonidan olingan namunalarnikiga o‘xshash.
Avvalroq NASA Oyning Yerga qaragan tomonida suv borligini aniqlagan edi.
Izoh (0)