«Ливерпуль» Англия Премьер Лигасининг 7-турида «Вест Ҳэм»ни мағлуб этди (2:1).
Шу тариқа мерсисайдликлар «Энфилд»даги сўнгги 63 ўйинда бирорта марта ҳам мағлубият аламини тотиб кўрмади. Мазкур серия 2017 йилнинг апрель ойидан буён давом этмоқда. Ўшанда жамоа «Кристал Пэлас»га имкониятни бой бериб қўйганди (1:2).
Юрген Клопп бошчилигидаги жамоа 63 учрашувдан 52 тасида ғалаба қозонган, яна 11 та ўйин эса дуранг билан якунланган.
Шунингдек, «Ливерпуль» мазкур кўрсаткич бўйича клубнинг 1978—1980 йилларда ўрнатилган рекордни ҳам такрорлашга муваффақ бўлди.
Англия чемпионати юқори дивизионидаги рекорд кўрсаткич «Челси»га тегишли бўлиб, «аристократлар» 2004—2008 йилларда ўз уйида 86 та мағлубиятсиз ўйин ўтказган.
«Ливерпуль» 7-турдан кейин 16 очко билан 1-ўринда бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)