«Ўзбекнефтгаз» АЖга қарашли ёқилғи қуйиш шохобчаларида 1 ноябрдан бошлаб импорт дизель ёқилғисининг нархи 6500 сўмдан 6000 сўмга арзонлаштирилади, дея хабар бермоқда компания ахборот хизмати.
Компания нефть маҳсулотларининг нархини босқичма-босқич арзонлаштирмоқда. Жумладан, 1 ноябрдан бошлаб импорт дизель ёқилғисининг нархи 6000 сўмдан сотила бошлайди.
«Биз доимий равишда аҳолига сотилаётган маҳсулот нархини мунтазам ўрганиб, таҳлил қилиб борамиз. Агарда маҳсулот таннархи пасайса, уни сотиш нархини, албатта, камайтириш зарур, деб ҳисоблаймиз. Бундан кейин ҳам бу амалиёт давом эттирилади», – дейди UNG Petro корхонаси директори Мирзоҳид Мусаев.
Қайд этилишича, автомобилларга ёқилғи қуйиш шохобчаларида сотилаётган маҳсулот турлари, уларнинг нархлари ҳамда жойлашган манзиллари ҳақида тўлиқ ва аниқ маълумотларни @UNGPetroBot Telegram канали орқали олиш мумкин.
«Ўзбекнефтгаз» Аи-92 маркали бензин нархини 15 сентябрдан бошлаб арзонлаштиргани ҳақида хабар берилганди.
Изоҳ (0)