Фаррух Омонов Ўзбекистон Ёшлар ишлари агентлиги директорининг ўринбосари этиб тайинланди. Бу ҳақда Адлия вазирлиги матбуот хизмати хабар берди.
Ҳукуматнинг бу ҳақдаги тегишли қарори 30 октябрь куни қабул қилинган.
Фаррух Омонов 2019 йил декабридан буён Ёшлар иттифоқи Марказий кенгаши раиси ўринбосари, халқаро ҳамкорлик ва лойиҳалар комплекси раҳбари лавозимини эгаллаб келаётганди. У, шунингдек, 2011—2015 йилларда Молия вазирлигида, 2015—2019 йилларда Савдо-саноат палатасида ҳам фаолият юритган.
Маълумот учун, Ёшлар ишлари агентлиги 2020 йил 30 июнда ташкил этилган. Унга Алишер Саъдуллаев директор этиб тайинланган.
Изоҳ (0)