Mitsuoko Motor компанияси ўз тарихида биринчи бор Buddy номи («оғайни») остида яратилган йўлтанламасни тақдим этди. Японияликлар модель асосини яратишда янги Toyota RAV4’дан фойдаланган бўлиб, у 1990 йиллардаги Chevrolet Tahoe услубида ишланган, деб хабар беради Motor.
Mitsuoko компанияси ўтган асрнинг 50 йилларига оид Британия моделлари услубидаги автомобилларни чиқаришга ихтисослашган. Бугунги кунда япон маркаси линейкасида бир нечта седан, хетчбек, шунингдек, родстер ва кичкина уч ғилдиракли электромобил ҳам ўрин олган. Бу сафар фирма ўз услубидан четга чиқиб, марка тарихида биринчи бор йўлтанламас яратишга қарор қилди.
Buddy номини олган моделнинг олд томони 1990 йиллардаги Chevrolet Tahoe’ни, орқа томон — Cadillac SRX’ни ёдга солади. Компания моделни лойиҳалашда Америка услубидан фойдаланилганини яширмаган, шу сабабли янги япон маҳсулоти уларга хос хромланган радиатор панжараси ва алоҳида олд оптика билан жиҳозланган. Бундан ташқари, вертикал орқа фаралар ва хромланган бампер икки автомобиль ўртасида янада кўпроқ параллелликни юзага келтиради.
Шу билан бирга, Buddy’нинг ён қисми Toyota RAV4’нинг сўнгги авлодига ўхшаш. Машҳур япон моделидан янги йўлтанламас базаси сифатида фойдаланилган бўлиши мумкин. 168 дан 171 от кучигача бўлган икки литрли бензин двигателлар линейкаси ҳам шунга шама қилади.
Mitsuoko Buddy кузови 11 хил рангда, шунингдек, олтита икки хил рангга бўялган ҳолда тақдим этилади.
Янги модель ҳақида қўшимча маълумотлар, шунингдек, унинг нархи 26 ноябрь куни ўтказиладиган тақдимотдан олдинроқ маълум бўлади.
Изоҳ (0)