Бухоро вилояти ИИБ ахборот хизмати темир йўлнинг белгиланмаган қисмидан ўтишга одатланган 69 ёшли отахоннинг поезд уриб кетиши оқибатида ҳалок бўлганини хабар қилди.
Хабарга кўра, 2020 йил 3 октябрь куни «Тошкент – Волгоград» йўналишидаги йўловчи поезди велосипедини етаклаб темир йўлни кесиб ўтаётган 69 ёшли фуқарони уриб юборган. Жабрланувчи ҳодиса оқибатида воқеа жойида ҳалок бўлган.
Ҳодиса юзасидан Бухоро вилоят транспорт прокуратураси томонидан терговга қадар суриштирув ишлари олиб борилмоқда.
Хабарда қайд этилишича, Бухоро вилояти ИИБ Транспортда хавфсизлик бошқармаси ҳамда вилоят Транспорт прокуратураси томонидан бу каби ҳодисаларнинг олдини олиш бўйича темир йўлга яқин ҳудудларда яшовчи аҳоли орасида тушунтириш ва тарғибот ишлари олиб борилмоқда.
Изоҳ (0)