Россиянинг Ленинград вилояти Сосновий Бор шаҳрида яшовчи Ўзбекистон фуқароларининг 3 ёшли фарзанди 6-қаватдан қулаб тушиб вафот этди, дея хабар бермоқда «Невиский Новости».
Қайд этилишича, Сосновий Бор шаҳрининг Космонавтлар кўчасида ота-онасининг хабари йўқ боланинг жасадини топилган. Аниқланишича, бола олтинчи қаватдан йиқилиб тушган. Воқеа жойига етиб келган шифокорлар боланинг вафот этганини аниқлаган. Боланинг жасади ўлим сабабини аниқлаш учун ўликхонага юборилган.
Маълум бўлишича, марҳум боланинг ота-онаси – 24 ва 25 ёшли Ўзбекистон фуқаролари ҳисобланиб, Россияга 2020 йилнинг январь ойи бошида келган. Таъкидланишича, ота юк ташувчи бўлиб ишлайди, она эса ишсиз.
Изоҳ (0)