Россияда коронавирус қайд этилганлар сони 1 581 693 кишига етди, деб хабар бермоқда Meduza. 29 октябрь куни эрталаб касалликка чалиниш бўйича 17 717 та янги ҳолат қайд этилган.
Кунлик касалланиш бўйича аввалги рекорд 26 октябрь куни қайд этилган, шу куни 17 347 кишида COVID-19 аниқланганди.
Янги аниқланган касалланиш ҳолатларининг энг кўпи Москва ( +4906 киши), Санкт-Петербург (+758) ва Москва вилоятида (+514) қайд этилган.
«Роспотребнадзор» эпидемиологи Александр Гореловнинг фикрича, Россияда касалланганлар сонининг ортиши яна 2-3 ҳафта давом этади. Гамалея номидаги Миллий эпидемиология ва микробиология илмий-тадқиқот маркази вирусологи Виктор Зуев эса мамлакатда эпидемиологик вазият 2021 йил ёзида барқарорлашади, деган фикрда.
Сутка давомида COVID-19 беморларининг 366 нафари вафот этган. Шундай қилиб, Россияда уч кундан буён коронавирусдан вафот этиш бўйича рекорд қайд этилмоқда. Бундан бир кун аввал 346 киши вафот этгани хабар берилганди.
Россияда эпидемия бошланганидан бери COVID-19’дан 27 301 киши вафот этган. Соғайганлар сони эса 1 186 041 нафарни ташкил этмоқда, шу жумладан, беморларнинг 14 740 нафари сўнгги бир кеча-кундузда тузалиб, касалхонадан жавоб берилган.
Мамлакатда коронавирусни аниқлаш бўйича сўнгги 24 соат давомида 553 мингта, умумий ҳисобда эса 59,2 миллиондан ортиқ тест ўтказилган.
Мавзуга доир:
- Россияда коронавирусга қарши иккинчи вакцинани ишлаб чиқариш бошланди
- Россияда пандемия бошланганидан буён 91 нафар депутат COVID-19’га чалинди. Айни пайтда уларнинг 38 нафари касал
- Россия аҳолиси 2020 йил якунига келиб 352,5 минг кишига камайиши кутилмоқда. Бу ўтган йилга қараганда 11 бараварга кўп
Изоҳ (0)