Польшада 2020 йил 28 октябрь ҳолатига кўра, бир сутка давомида коронавирус инфекциясини юқтириб олиш билан боғлиқ 18 820 та янги ҳолат қайд этилди. Бу ҳақда ТVN24 хабар қилган.
Ушбу кўрсаткич эпидемия бошланганидан бери ҳали кузатилмаган антирекорд. Бундан ташқари, мамлакат соғлиқни сақлаш вазирлиги коронавирусга чалинган беморларнинг 236 нафари бир сутка ичида вафот этганини хабар қилган ва бу ҳам янги антирекорд.
Қайд этилишича, 29 киши COVID-19 туфайли, 207 нафар бемор эса инфекция билан бирга кечган бошқа касалликлар оқибатида ҳаётдан кўз юмган.
Сутка давомида коронавирусни аниқлаш бўйича 60 600 та тест ўтказилган. Касалхоналарда 13 931 нафар COVID-19’га чалинган беморлар даволанмоқда, уларнинг 1150 нафари тезкор даволаш бўлимларида ётибди. 479 288 киши карантинга олинган, жами 123 504 нафар бемор касалликдан тузалган (бир суткада +4267 нафар одам тузалган).
Европа иттифоқи кенгашида COVID-19’га қарши курашда бирлашиш таклиф этилган. Евроиттифоқ аъзолари мулоқотларни кузатиш учун мобил иловаларни ҳамкорликда ишлатиш ва тест қилиш, изоляция ва карантин бўйича умумий қоидаларни ишлаб чиқишни келишиб олиши лозим.
Шунингдек, Европа иттифоқидаги барча аҳолини 2021 йилда вакцинация қилиш учун ресурслар етмайди. ЙИ кенгаши вакцина аҳоли жонбошига етмаслигини инобатга олиб, ҳукуматларни устувор аҳамиятга эга мақсадларни белгилаб олишга чақирган.
Аввал Польшада жиддий нуқсони бўлса ҳам, ҳомилани олдириш тақиқланганига қарши юзлаб аҳоли норозилик билдириб чиқиш қилгани, намойишчилар йўлларни тўсиб қўйгани хабар қилинганди. Шунингдек, Польша президенти Анжей Дуда коронавирусга чалингани маълум бўлган.
Изоҳ (0)