Ҳукумат қарори билан Шарофиддин Бахриддинов «Ўзбекистон асаларичилари» уюшмасининг раиси этиб тасдиқланди.
Ҳозирга қадар ушбу лавозимда Шерали Рустамбекович Суяркулов фаолият юритиб келаётган эди.
Маълумот учун, «Ўзбекистон асаларичилари» уюшмаси нодавлат нотижорат жамоат ташкилоти бўлиб, асаларичилик соҳасига тааллуқли ва асаларичилик соҳаси билан шуғулланувчи субъектларни ихтиёрийлик асосида бирлаштиради ҳамда уюшма аъзоларининг хоҳиши, ўз-ўзини бошқариш, қонунчилик ва ошкоралик асосида тузилиб, иш олиб боради.
«Ўзбекистон асаларичилари» уюшмаси Ўзбекистон Президентининг 2017 йил 16 октябрда «Республикамизда асаларичилик тармоғини янада ривожлантириш чора-тадбирлари тўғрисида»ги ПҚ-3327 сонли қарорига асосан асаларичилик тармоғини бошқариш, тизимини тубдан такомиллаштириш, тармоқда наслчилик ишларини илмий асосда ташкил этиш, асаларичилик хўжаликлари фаолияти самарадорлигини ошириш, асал маҳсулотлари ишлаб чиқариш ҳажми ва турларини янада кўпайтириш, асални қайта ишлаш бўйича замонавий технологияларни жорий этиш, соҳанинг экспорт салоҳиятини ошириш, шунингдек, асаларичилик соҳасидаги илғор тажрибаларни республиканинг барча ҳудудларида татбиқ этиш мақсадида ташкил этилган.
Изоҳ (0)