Жиззах вилоятининг Зарбдор туманида «Жигули» ва эшак арава ўртасида содир бўлган йўл-транспорт ҳодисаси оқибатида икки киши ҳалок бўлди. Бу ҳақда ИИВ ЙҲХББ ахборот хизмати хабар берди.
Маълумотларга кўра, 27 октябрь куни соат 19:50 ларда Янгиер—Даштобод автомобиль йўлининг 35 километрида 1999 йилда туғилган фуқаро «ВАЗ-2106» русумли транспорт воситасини катта тезликда бошқариб бораётиб, йўлнинг ўнг томонидан ҳаракатланиб келаётган эшак араванинг орқа томонига урилган.
Натижада эшак аравада бўлган 1958 йилда туғилган Х.Э. ҳамда 1998 йилда туғилган А.П. турли даражадаги тан жароҳатларини олиб, Зомин туман тиббиёт бирлашмасига ётқизилган. Кўрсатилган тиббий муолажаларга қарамасдан жабрланувчилар вафот этган.
Ҳозирда мазкур ҳолат юзасидан Зарбдор тумани ИИБ ҳузуридаги тергов бўлими томонидан тергов ҳаракатлари олиб борилмоқда.
Аввалроқ Бухорода Damas эшак аравани уриб юбориши оқибатида 25 ёшли аёл вафот этгани тўғрисида хабар берилганди.
Изоҳ (0)