Фарғона вилояти Марғилон шаҳрида Matiz автомашинаси пиёдани уриб кетди, дея хабар бермоқда вилояти ИИБ.
Қайд этилишича, 26 октябрь куни фуқаро Т.С. Matiz русумли автомашинасини Янгиҳаёт кўчасида бошқариб кетаётиб, қатнов қисмини пиёда кесиб ўтаётган Қ.Б.ни уриб юборган.
Оқибатда пиёда Қ.Б. ҳодиса жойида вафот этган.
Мазкур ҳолат юзасидан Марғилон шаҳар ИИБ ҳузуридаги тергов бўлими томонидан Жиноят кодексининг 266-моддаси 2-қисми (одамлар ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, тергов ҳаракатлари давом этмоқда.
Аввалроқ Наманганда «Жигули» уриб кетган пиёда, Фарғонада Nexia уриб кетган электроскутер ҳайдовчиси ва Навоийда вояга етмаган қизга машинасини бошқаришга берган ҳайдовчи вафот этгани ҳақида хабарлар берилганди
Изоҳ (0)