YouTube’даги «Сандро гаражида» каналида Lada Vesta машинаси сочиб ташлаш тасвирланган видео пайдо бўлди. Аниқланишича, автомобилнинг кўплаб эҳтиёт қисмлари Россияда ҳам ишлаб чиқаришни йўлга қўйган хориж фирмаларига тегишли. Шу билан бирга, ролик муаллифлари автомобилдаги эҳтиёт қисмлар ишлаб чиқариладиган мамлакатлар номини айтиб кетган, деб хабар беради Motor.
Масалан, Lada Vesta’нинг ушбу нусхасига ўрнатилган «робот» узатмалар қутиси ZF концерни таркибига кирувчи Германиянинг Sachs фирмаси томонидан ишлаб чиқарилган. 1,8 лирли «ВАЗ-21179» моторидаги ўт олдириш ғалтаги Италиянинг Eldor брендига тегишли, газни тақсимлаш фазасини ўзгартириш тизими — Германиядаги INA фирмасиники, термостат — Behr маркасини, ҳаво ва мой насоси эса Жанубий Корея компанияси томонидан ишлаб чиқарилади. Видео муаллифининг таъкидлашича, бутун «навес» жиҳозларига муфти ва иқлим тизимини ҳам ишлаб чиқарадиган Франциянинг Valeo логотипи туширилган.
Шу билан бирга, юқорида номи келтирилган эҳтиёт қисмлари, албатта, ушбу брендларнинг мамлакатида ишлаб чиқарилиши шарт эмас — асосан бошқа давлатларда, масалан, Россия, Чехия ва Туркияда ҳам ишлаб чиқариш йўлга қўйилган.
«АвтоВаз» тўлиқ Нидерландиянинг Alliance Rostec Auto B.V. холдингига тегишли. Бу «Ростех» ва Renault Group қўшма корхонаси бўлиб, уларнинг улуши мос равишда 32,39 ва 67,61 фоизни ташкил этади. Расмий маълумотларга кўра, Lada автомобилларини ўртача локализация қилиш даражаси 85 фоизни ташкил этади. Аммо компаниянинг молиявий ҳисоботларида 30-35 фоизгача импорт харидлари улуши ҳам қайд этилган.
Изоҳ (0)