Бугун,

  • USD 11095.31
  • RUB 173.84
  • EUR 10772.44

Фарғона вилоятида 4 ой ичида 18 маротаба қоида бузгани қайд этилган 32 ёшли аёл ҳайдовчидан жарима ундирилди, дея хабар бермоқда «Xabar.uz».

Фото: Тошкент шаҳар ИИББ матбуот хизмати

Фото: Тошкент шаҳар ИИББ матбуот хизмати

Қайд этилишича, 32 яшар Г.М. (аёл) шахсий Nexia-3 автомашинасида 4 ойда 18 марта фоторадарга тушган. Биринчи марта 2020 йил 1 март куни Ёзёвон туманида ҳаракатланиб кетаётган вақтида йўл ҳаракати қоидасини бузгани қайд этилган. 2020 йил 18 июнь кунигача қоидабузарликлар сони 18 тага етган. Фуқаро Г.М.нинг охирги қоидабузарлиги Тошкент вилоятининг Оҳангарон туманида қайд этилган.

Жами 18 та қоидабузарлик натижасида жарималар миқдори 10 миллион 700 минг сўмни ташкил қилган. МИБ ходимлари жарималарни тўлаш учун фуқарога 15 кунлик ихтиёрий муддат берган. Берилган муддат ичида жарималар тўланмаганидан сўнг Nexia-3 жарима майдончасига киритилган.

Автомашина жарима майдончасига киритилган куни Г.М. барча қоидабузарлиги учун жарималарни тўлаган.

Маълумот учун, Маъмурий жавобгарлик тўғрисидаги кодекснинг 332-1-моддасида ҳуқуқбузар тегишли қарор қўлига тегганидан ўн беш кун ичида жарима миқдорининг етмиш фоизини ихтиёрий равишда тўласа, қолган қисмини тўлашдан озод этилиши белгиланган. Агар фуқаро Г.М. қонунда белгиланган ушбу имтиёздан фойдаланганида, 2 миллион 510 минг сўм миқдорида маблағ тежаши мумкин эди.

Бироқ қоидабузар ижро ҳужжатини ўз вақтида бажариш чорасини кўрмаганлиги учун унга нисбатан 2 миллион 230 минг сўм маъмурий жарима жазоси ҳам қўлланилган.

Изоҳ
Асосий янгиликлар
Маҳаллий
Ҳуқуқ фаоли Нукус воқеаларида гумонланаётганлар қийноққа солинмаганини айтмоқда
Дунё
«Дарё» кундалигида 30 ноябрда содир бўлган энг муҳим воқеалар
Маҳаллий
Контрабанда сигареталар кўпроқ қайси вилоятлар чегараларидан олиб ўтилмоқда? Божхоначи жавоб берди