Тошкент вилояти Яшнобод туманида Cobalt автомашинасини олиб қочиб, ичидаги 50 000 сўм пулини ўғирлаган шахс ушланди дея хабар қилмоқда ИИВ.
Маълум қилинишича, 20 октябрь куни соат тахминан 02:30 да Яшнобод туманида яшовчи 23 ёшли Ш.Х. транспорт воситасини олиб қочиш мақсадида фуқаро Ш.Д.га тегишли Cobalt русумли автомашинани Яшнобод тумани Фарғона йўли кўчаси 279-уйнинг ташқарисида қаровсиз қолдирилганлигидан фойдаланиб, ойнани синдириш йўли билан очган.
Фуқаро Ш.Х. машинада турган калит ёрдамида ўт олдириб, транспорт воситасини олиб қочган. Шундан сўнг Ш.Х. ушбу автомашина салонида бўлган 50 000 сўм пулни қўлга киритиб, автомашинани Миробод тумани, Қўйлиқ 2-мавзеси ҳудудида қолдириб, ҳодиса жойидан яширинган.
Олиб борилган тезкор суриштирув ишлари натижасида Ш.Х.дан 50 000 сўм пул ашёвий далил тариқасида расмийлаштириб олинган.
Мазкур ҳолат юзасидан Ш.Х.га нисбатан Яшнобод туман ИИО ФМБ ҳузуридаги Тергов бўлими томонидан Жиноят кодексининг 267-моддаси 1-қисми (транспорт воситасини олиб қочиш) билан жиноят иши қўзғатилган. Ш.Х. гумон қилинувчи тариқасида ишда иштирок этишга жалб қилинган бўлиб, процессуал тартибда ушланган.
Аввалроқ Сурхондарёда Captiva олиб қочган 29 ёшли йигит, Қибрайда ўзига таниш аёлнинг уйида босқинчилик содир этган эркак ва Фарғонада жарима майдончасидан мотоцикл олиб қочган фуқаро қўлга олингани ҳақида хабар берилганди.
Изоҳ (0)