Ўтган бир кеча-кундузда дунёда яна 465,3 минг киши коронавирусга чалинди, деб хабар бермоқда «РБК» Жаҳон соғлиқни сақлаш ташкилотига таяниб.
Бу бутун пандемия даврида бир кеча-кундузда COVID-19 билан касалланиш ҳолатлари сони бўйича энг юқори кўрсаткичдир. Бундан аввалги энг юқори кўрсаткич 23 октябрда қайд этилган, ўшанда бир кунда 423,8 минг кишида коронавирус аниқланган эди.
Бир кеча-кундузда қуйидаги ўнта давлатда энг кўп касалланиш ҳолати кузатилди:
АҚШ — 72,3 минг;Ҳиндистон — 53,3 минг;Франция — 32,4 минг;Бразилия — 24,8 минг;Буюк Британия — 20,5 минг;Испания — 19,8 минг;Италия — 19,1 минг;Россия — 16,5 минг;Аргентина — 16,3 минг;Чехия — 15,2 минг.
Эслатиб ўтамиз, бутун дунёда коронавирус билан касалланганлар сони 42 миллион кишидан ошди.
Аввалроқ Жаҳон соғлиқни сақлаш ташкилоти раҳбари Тедрос Гебрейесус яқин ойларда дунёда коронавирус тарқалиши билан боғлиқ вазият жуда оғир бўлишини айтган эди.
Изоҳ (0)