АҚШ президенти Дональд Трамп 24 октябрь куни Флорида штатининг Вест-Палм-Бич шаҳрида бўлиб ўтган президентлик сайловларида муддатидан олдин овоз берди. Тўғридан-тўғри трансляция президентнинг сайловолди штабининг YouTube каналида амалга оширилди, дея хабар бермоқда «РИА Новости».
Трамп сайлов округига рафиқаси Меланиясиз етиб келган. Ниқоб таққан президент оз сонли одамлар ҳамроҳлигида сайлов участкасига кирган. У журналистларни овоз бериш яхши ташкил этилган ва хавфсиз ўтганига ишонтирди.
«Мен Трамп исмли йигитга овоз бердим», – деди президент.
Маълумот учун, АҚШда президент сайлови 3 ноябрь куни бўлиб ўтади. Бир нечта штатларда муддатидан олдин овоз бериш бошланган.
Аввалроқ The New York Times Россия Трампга ёрдам бериш учун АҚШдаги сайловларга аралашаётганини маълум қилганди.
Изоҳ (0)