Нидерландиялик эркак бир парча гўштга тиқилиб қолди ва токи унга шифокорлар уйқу таблеткаларини бермагунча 8 йил давомида на гапирди, на ҳаракат қила олди, деб ёзади Daily Mail.
2012 йил Ричард исмли бемор 29 ёшда бўлган. У тиқилиб қолган бир парча гўшт туфайли миясига шикаст етиб, у акинетик мутизм деб номланган руҳий ҳолатга тушиб қолди. Ушбу ташхис қўйилган беморлар жисмонан ҳаракатларни амалга оширишга қодир бўлса-да, афсуски, гапиролмайди ва қимирлашни ҳам уддалай олмайди. Улар фақат кўзларини очиши мумкин.
Ричард ҳозир 37 ёшда. Шифокорлар унинг аҳволини яхшилаш учун бошқа ҳеч қандай чора йўқлигини маълум қилгач, беморнинг оиласи уни уйқу дори ёрдами билан тажриба сифатида даволашга рози бўлди. Шифокорлар мияси шикастланган беморга нутқ ва ҳаракатни вақтинча тиклашга ёрдам берадиган уйқу таблеткасини қўллади.
Бемор препаратни қабул қилганидан 20 дақиқа ўтиб, ҳамширадан ногиронлар аравачасини ҳаракатлантиришда ёрдам беришини сўради ва укаларини таний бошлади. Шунингдек, бемор аввал отасини кўришни ва фастфуд таомларидан истеъмол қилишни хоҳлаётганини айтди.
Шифокорлар Ричард миясининг бир қисми ҳиссий фаолликнинг ҳаддан ташқари кўп юкланиши туфайли бутунлай ишламаётганини аниқлади. Уйқу таблеткалари миядаги ҳаракатни 2 соат давомида тўхтатишга ёрдам беради ва бу Ричардда юриш ҳамда гаплашиш имконини пайдо қилади.
Шу тарзда шифокорлар ушбу даволаш усулини бир неча кунлар давомида такрорлади, аммо кейин уйқу дорилари ҳам ўз ишини тўхтатди. Ричард эса яна аввалги ҳолатига қайтди. Тадқиқотчилар мияси шикастланган беморларни самарали даволаш усулларини излашда давом этмоқда.
Изоҳ (0)