Дизайнер Карл Лагерфельднинг мушуги жониворларга мўлжалланган мебель бренди билан ҳамкорликдаги коллекциясини тақдим этди

Дизайнер Карл Лагерфельдга қарашли Шупетт лақабли мушук уй ҳайвонлари учун мебель ишлаб чиқаришга ихтисослашган Lucy Blau бренди билан ҳамкорлик қилишни бошлади. Бу ҳақда Esquire хабар берди.

Маълум қилинишича, тақдим қилинган коллекциядан фақатгина бир буюм — ётиш учун мўлжалланган беланчакли Swing ўрин олган бўлиб, уни полка сингари деворга маҳкамлаб қўйиш мумкин.

https://www.instagram.com/p/CGSeRfeqdJJ/?utm_source=ig_embed&utm_campaign=loading

Бренд дизайнери Себастьян Франк Шупеттни ўз уйида биринчи бўлиб суратга олиш бахтига муяссар бўлганликларини таъкидлаб, илиқ кутиб олинганини қўшимча қилган.

Деворга мустаҳкамланадиган, мушук учун мўлжалланган мазкур ётоқ атиги 1000 нусхада тақдим қилинган бўлиб, Lucy Blau сайтида 159 евро (187 доллар)га харид қилиш мумкин.

Маълумот учун Карл Лагерфельд 2019 йил 18 февралда ошқозон ости бези саратони сабаб вафот этган. У ўлимидан аввал мол-мулкининг бир қисмини Шупеттга хатлаб кетганди.