Америкалик Калеб Андерсон 11 ёшида Чаттахучи техника коллежининг аэрокосмик муҳандислик факультетига қабул қилинган. Айни вақтда иккинчи курсда таҳсил олаётган Калеб коинотга парвоз қилишни истайди деб ёзади «Korrespondent.net».
Маълум қилинишича, 2 яшар боланинг математик мисолларни ишлай олишига гувоҳ бўлган Андерсоннинг ота-онаси уни мактабга берган. У мактабда синфдошларининг бўйи ундан баланд бўлгани, шунчалик кичкиналигидан зўрға юрганини яхши эслашини таъкидлаган. Унинг ота-онаси фарзандининг бошқаларга ўхшамаган ўзига хослигини пайқаган.
Уч ёшида Калеб қобилияти ва IQ даражаси юқори экани сабаб — юқори ақл коэффициентига эга бўлганлар ассоциацияси «Менса»га қабул қилинган.
https://youtu.be/tQaMVwPUUfg
Андерсон коинотга парвоз қилишни истагани сабаб, ўқиш учун аэрокосмик муҳандислик факультетини танлаган ва икки йилдан кейин мазкур мутахассислик бўйича бакалавр дипломини қўлга киритади. Вундеркинд Жоржия штатидаги Технология ёки Массачусец технология институтида ўқишни кейин эса Илон Маскнинг Space Х компаниясида стажировка ўташни хоҳлайди, дейилади хабарда.
Изоҳ (0)