Массачусетс штатининг Уэрхем шаҳри аҳолиси Брод Коув кўрфазида акулага ўхшаш улкан балиққа ёрдам кераклигини айтиб, маҳаллий полиция маҳкамасига телефон қўнғироқларини ёғдирмоқда, деб хабар беради New York Post.
Ҳодиса жойига етиб борган шаҳар Табиий ресурслар департаменти мутахассислари бу ойбалиқ эканлигини ва унга ҳеч нарса қилмаганини аниқлаган.
Бироқ полицияга бўлаётган қўнғироқлар тинмаган ва ҳуқуқ-тартибот органи ходимлари аҳолидан бу борада бошқа телефон қилмасликларини илтимос қила бошлаган.
«Брод Коувдаги балиқдан хабаримиз бор. Биз уни текширдик, унга ҳеч нарса қилмаган. У шунчаки сузиб юрибди. У азоб чекмаяпти ва ҳеч қаерга тиқилиб қолгани йўқ. Ойбалиқ ажойиб. Ҳозирда об-ҳаво чўмилишга имкон бермаётгани учун унга ҳасад қилманглар. Полицияга қўнғироқ қилишни тўхтатинг», — дейилади департамент ходимлари баёнотида.
Аввалроқ Мексиканинг Оахака штати Пуэрто-Эскондидо шаҳрида яшовчи ёш балиқчи улкан балиқ тутиб олгани тўғрисида хабар берилганди.
Изоҳ (0)