Dizayner Karl Lagerfeldga qarashli Shupett laqabli mushuk uy hayvonlari uchun mebel ishlab chiqarishga ixtisoslashgan Lucy Blau brendi bilan hamkorlik qilishni boshladi. Bu haqda Esquire xabar berdi.
Ma’lum qilinishicha, taqdim qilingan kolleksiyadan faqatgina bir buyum — yotish uchun mo‘ljallangan belanchakli Swing o‘rin olgan bo‘lib, uni polka singari devorga mahkamlab qo‘yish mumkin.
https://www.instagram.com/p/CGSeRfeqdJJ/?utm_source=ig_embed&utm_campaign=loading
Brend dizayneri Sebastyan Frank Shupettni o‘z uyida birinchi bo‘lib suratga olish baxtiga muyassar bo‘lganliklarini ta’kidlab, iliq kutib olinganini qo‘shimcha qilgan.
Devorga mustahkamlanadigan, mushuk uchun mo‘ljallangan mazkur yotoq atigi 1000 nusxada taqdim qilingan bo‘lib, Lucy Blau saytida 159 yevro (187 dollar)ga xarid qilish mumkin.
Ma’lumot uchun Karl Lagerfeld 2019-yil 18-fevralda oshqozon osti bezi saratoni sabab vafot etgan. U o‘limidan avval mol-mulkining bir qismini Shupettga xatlab ketgandi.
Izoh (0)