Хитойнинг Xiaomi компанияси Apple ўзининг янги iPhone’ларини қувватлантириш қурилмасисиз сотаётгани устидан кулди. Компания ўзининг Twitter’даги саҳифаси орқали ҳолатга ўз муносабатини билдирган.
14 октябрь куни Хитой брендининг саҳифасида Xiaomi Мi 10Т Pro смартфонини қутидан олиш тасвирланган қисқа видео эълон қилинган. Роликдан кўриш мумкинки, флагман қутисида қувватлантириш адаптери ўрин олган. «Хавотирланманг, биз қутидан ҳеч нарсани олиб қўймадик», — дейилади постда. Мазкур видео iPhone 12 тақдим этилганидан бир кун ўтиб пайдо бўлган.
https://twitter.com/Xiaomi/status/1316299756260352006
Вирусли видеога айланган пост ўн мингдан ортиқ ретвит ва 30 минг лайк йиғган. Xiaomi обуначилари роликни ҳазил сифатида қабул қилиб, турли изоҳлар қолдирмоқда. «Бу, йигитлар, сизлар атроф-муҳит ва келажагимизга том маънода тупуриб қўйганингизни билдиради. Бу шармандалик», — деб ёзади фойдаланувчилардан бири.
Эслатиб ўтамиз, Apple октябрдан бошлаб ўзининг янги смартфонлари наушник ва қувватлантириш қурилмасисиз сотишга қарор қилган. Бу орқали компания атроф-муҳитга етказиладиган зарарларни камайтириш ниятида.
Мавзуга доир: iPhone 12’да керамик ойна пайдо бўлди. Бу нима ўзи?
Изоҳ (0)