Жанубий Корея ҳукумати Ўзбекистондан кириб келувчи фуқаролар учун карантин чораларини кучайтирди. Шунингдек, ушбу чораларга риоя қилишда фаол ҳамкорликка чақирди. Бу ҳақда Ўзбекистоннинг Жанубий Кореядаги элчихонаси хабар берди.
Унга кўра, энди Ўзбекистон фуқароларига мамлакатга киришда қуйидаги талаблар қўйилади:
- тана ҳарорати меъёри 37,3 даража этиб белгиланди (аввал 37,5 эди);
- касаллик аломатлари бор фуқароларнинг ҳамроҳи ҳам аэропортдаги махсус карантин ҳудудида тиббий кўрикдан ўтади;
- касаллик аломатлари йўқ фуқаролар вақтинчалик карантинни ўташ жойида тиббий кўрикдан ўтади.
Жанубий Кореянинг Ўзбекистондаги элчихонаси 24 сентябрдан бошлаб коронавирусга ПЗР-тести маълумотини тасдиқлаш учун консуллик текшируви тизимини жорий қилганди. Бунга ўзбекистонликларнинг Жанубий Кореяга COVID-19’га чалинмаганлик ҳақида сохта маълумотнома билан келаётгани сабаб бўлган. Шу сабабли коронавирусга тест топширишни фақат элчихона томонидан тасдиқланган лабораторияда амалга ошириш мумкин.
Изоҳ (0)