Наманганда туман ҳокими номини сотиб ер олиб беришни ваъда қилиб алдаган шахсларга нисбатан жиноят иши қўзғатилди, деб хабар бермоқда ИИВ ҳузуридаги Тергов департаменти.
Маълум бўлишича, 2019 йилнинг декабрь ойларида 48 ёшли А.Х. ва 23 ёшли Б.Б. олдиндан жиноий тил бириктириб шаҳарнинг «Ғалча» МФЙда яшовчи С.А.нинг ишончига кириб, унга Наманган туман ҳокими билан гаплашиб, тикувчилик цехи қуриш учун тикувчилик корхонаси ёнидаги дала майдонидан ер ажратиб беришни ваъда қилган.
«Ҳар бир сотих ер учун 700 доллардан берасиз», деб алдаб, С.А.нинг ишончини суиистеъмол қилиш йўли билан унинг 322 миллион 714 минг сўм ҳисобидаги жами 34 минг долларни қўлга киритган. Аммо ер майдони олиб бермай, фирибгарлик йўли билан қўлга киритган пул маблағларини шахсий манфаатлари учун сарфлаб юборган.
Ҳолат бўйича 2 октябрь куни Наманган шаҳри бўйича ИИО ФМБ ҳузуридаги тергов бўлими томонидан А.Х. ва Б.Б.га нисбатан Жиноят кодексининг 168-моддаси 4-қисми «а» банди (жуда кўп миқдорда фирибгарлик) билан жиноят иши қўзғатилган.
Ҳозирда тергов ҳаракатлари давом эттирилмоқда.
Мавзуга доир:
Изоҳ (0)