Навоий вилояти Кармана тумани «Деҳқон» МФЙда олиб борилаётган қурилиш ишлари чоғида 14 октябрь куни соат 08:00 да бахтсиз ҳодиса содир бўлди. Бу ҳақда Фавқулодда вазиятлар вазирлиги хабар берди.
Маълум қилинишича, қурилиш ишлари олиб борилаётган объектда ишчи С.З.нинг устига бетон плита қулаган. Бунинг оқибатида фуқаро бетон остида қолиб кетган. Воқеага гувоҳ бўлганлар дарҳол қутқарув хизматига хабар берган.
Олинган хабар асосида вилоят ФВБ ёнғин-қутқарув отряди қутқарувчилари зудлик билан етиб бориб, қисқа вақт ичида бетон плита остида қолган қурувчини чиқариб олишган. Оёғидан жароҳатланган фуқарога биринчи тиббий ёрдам кўрсатилиб, Кармана тумани тиббиёт бирлашмасига юборилган.
Изоҳ (0)