Namanganda tuman hokimi nomini sotib yer olib berishni va’da qilib aldagan shaxslarga nisbatan jinoyat ishi qo‘zg‘atildi, deb xabar bermoqda IIV huzuridagi Tergov departamenti.
Ma’lum bo‘lishicha, 2019-yilning dekabr oylarida 48 yoshli A.X. va 23 yoshli B.B. oldindan jinoiy til biriktirib shaharning “G‘alcha” MFYda yashovchi S.A.ning ishonchiga kirib, unga Namangan tuman hokimi bilan gaplashib, tikuvchilik sexi qurish uchun tikuvchilik korxonasi yonidagi dala maydonidan yer ajratib berishni va’da qilgan.
“Har bir sotix yer uchun 700 dollardan berasiz”, deb aldab, S.A.ning ishonchini suiiste’mol qilish yo‘li bilan uning 322 million 714 ming so‘m hisobidagi jami 34 ming dollarni qo‘lga kiritgan. Ammo yer maydoni olib bermay, firibgarlik yo‘li bilan qo‘lga kiritgan pul mablag‘larini shaxsiy manfaatlari uchun sarflab yuborgan.
Holat bo‘yicha 2-oktabr kuni Namangan shahri bo‘yicha IIO FMB huzuridagi tergov bo‘limi tomonidan A.X. va B.B.ga nisbatan Jinoyat kodeksining 168-moddasi 4-qismi “a” bandi (juda ko‘p miqdorda firibgarlik) bilan jinoyat ishi qo‘zg‘atilgan.
Hozirda tergov harakatlari davom ettirilmoqda.
Mavzuga doir:
- Yangiyo‘lda fuqaroga 13 500 dollar evaziga yer olib berishni va’da qilgan kadastr xizmati xodimi ushlandi
- Yunusobodda fuqaroga 2300 dollar evaziga Angrendan yer olib bermoqchi bo‘lgan shaxs ushlandi
- Bektemirda 4 ming dollarga yerusti metrosi ostidan yer olib berishni va’da qilgan hokimlik xodimi ushlandi
Izoh (0)