Транспорт вазирлиги қошидаги Uzautotrans service МЧЖ томонидан 15 октябрдан бошлаб Ангрен–Олмалиқ–Самарқанд йўналишида мунтазам автобус қатновлари йўлга қўйилади. Бу ҳақда Транспорт вазирлиги матбуот хизмати хабар берди.
Ангрен—Олмалиқ— Самарқанд йўналишидаги автобус соат 9:00 да Ангрен автостанциясидан ҳаракатланишни бошлайди. Соат 10:00 да эса автобус Олмалиқ автостанциясидан Самарқанд шаҳри томон йўлга чиқади. Қатнов Бекобод шаҳри орқали амалга оширилади.
Ангрендан Самарқандгача йўлкира нархи 50 000 сўм этиб белгиланган. Олмалиқдан Самарқандгача эса 45 000 сўм. Чипталарни Ангрен, Олмалиқ, Самарқанд автостанциялари кассаларидан сотиб олиш мумкин.
Изоҳ (0)