Лондонда коронавирус билан касалланиш ҳолатлари кўпайгани туфайли карантин чоралари янада қатъийлашди. Бу ҳақда Буюк Британия соғлиқни сақлаш вазири Мэтт Хэнкок маълум қилган, деб ёзмоқда «РИА Новости».
14 октябрдан бошлаб уч босқичли чеклов чоралари жорий этилган, Лондон дастлабки босқичда жойлашган, шаҳарда олти кишигача тўпланиш, дўконлар ва ресторанларнинг 22:00 га қадар фаолият юритишига рухсат берилганди.
«Лондонда коронавирусга чалинганлар сони ҳар ҳафтада икки бараварга ортиб бормоқда. Кейинчалик қатъий карантин чораларини қўлламаслик учун ҳозирдан ҳаракат қилишимиз зарур. Шаҳар мэри ва маҳаллий ҳокимликлар билан маслаҳатлашувлардан кейин Лондон махсус шкала бўйича иккинчи юқори даражага ўтказилиши лозим деган тўхтамга келдик», – деган соғлиқни сақлаш вазири.
Мавзуга доир: Англияда ўзини яккалаш қоидаларини бузган коронавирус беморларига катта миқдорда жарима жорий этилди
Чекловларнинг иккинчи даражаси, шунингдек, Манчестер агломерацияси, Чешир, Ланкашир, Дербишир, Ғарбий ва Жанубий Йоркшир, Бирмингем ва унинг атрофидаги ҳудудлар, Лестер, Ньюкасл, Ноттингем ва бошқа аҳоли яшаш пунктларига нисбатан ҳам жорий қилинган. Эссекс графлиги ҳам Лондон билан биргаликда иккинчи даражали тақиқлар жорий этилган ҳудудлар рўйхатига киритилади.
Изоҳ (0)