Икки вазн тоифасида UFC собиқ чемпиони Конор Макгрегор Twitter саҳифасида промоушеннинг собиқ вақтинчалик чемпиони Дастин Порье билан жанг қилишини тасдиқлади ва ундан кейинги рақиби филиппинлик боксчи Мэнни Пакьяо бўлишини ёзиб қолдирди.
Тасдиқлайман, барчаси 23 январда бўлади. Мақсадим шу жанг Далласдаги Cоwбойс Стадиум бўлиб ўтиши. Стадион эгаси менинг дўстим, стадион ҳаммамизни қамраб олишга қодир. Мен Техасга тайёр бўламан, Техас эса менинг мухлисларимга. Кейинги жангим Мэнни Пакьяога қарши бўлади.Аввалроқ Макгрегор 2020 йил 12 декабрь санасида Порье билан жанг қилишини маълум қилганди. Шундан сўнг Дастин Порье UFC ҳомийлигида Макгрегор билан жанг қилишга рози бўлганини маълум қилганди. Ўз навбатида Макгрегор ҳам ташкилотнинг таклифига рози бўлган.Конор Макгрегор, UFC жангчиси
Қайд этиш жоиз, Макгрегор ва Порье ўртасидаги 2014 йил 27 сентябрда бўлиб ўтган биринчи жангда ирландияликнинг қўли баланд келган.
Аввалроқ эса Конор филиппинлик боксчи Мэнни Пакьяо билан бокс қоидалари асосида жанг ўтказмоқчилигини маълум қилганди.
Изоҳ (0)