Италия спорт суди А Серия 3-тури доирасида ўтказилмай қолган «Ювентус» — «Наполи» учрашуви юзасидан қарор қабул қилди, дея хабар қилмоқда Sky Sports Italia.
«Наполи» учрашувга етиб келмагани учун жамоага 0:3 ҳисобида техник мағлубият ёзилди. Шунингдек, клубдан бир очко олиб ташланди.
Эслатиб ўтамиз, 4 октябрь куни Неапол соғлиқни сақлаш қўмитаси «Наполи»нинг бир неча футболчисида коронавирус аниқлангани сабабли жамоага шаҳарни тарк этишни тақиқлаганди. «Наполи» раҳбарияти учрашувни қолдиришни сўраб А Серияга мурожаат қилди. Ўз навбатида ташкилот ўйиннинг қолдирилишига ҳеч қандай асос йўқлигини билдирди.
Шу тариқа «Ювентус»га техник ғалаба ёзилди. «Наполи» мазкур қарорни апелляцияга бериш ниятида.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)