Мадриднинг «Реал» клуби сардори Серхио Рамос мавсум якунида жамоасини тарк этиши мумкин.
El Chiringuito’нинг хабар қилишича, футболчига «Ювентус» ва ПСЖ жамоаларидан қизиқиш бор. Турин ва Париж клублари Рамоснинг «Реал»даги вазиятини диққат билан кузатмоқда. Улар имкон туғилиши билан таклиф билан чиқишга тайёр.
Эслатиб ўтамиз, Рамоснинг мадридликлар билан амалдаги шартномаси 2020/21 йилги мавсум охирида ўз ниҳоясига етади. Томонлар ҳали ҳам келишувни узайтиргани йўқ. Агар бу ҳолат давом этадиган бўлса, Серхио январь ойидан бошқа клублар билан музокара ўтказиш ҳуқуқига эга бўлади.
Аввалроқ Рамос «Реал» билан янги шартнома имзолаш учун маошининг камайишига ҳам рози эканини маълум қилганди. Ҳозирда футболчи йилига 11,7 миллион евро маош олади.
Рамос 2005 йилдан буён «Қироллик клуби»да тўп суриб келади. Мадрид клуби сардори жамоа билан 22 та совринга эга чиққан, улар орасида тўртта Чемпионлар Лигаси ва бешта Ла Лига бош соврини ҳам бор.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)