Япониялик эркак пандемия сабабли ёпилган Мачу-Пикчуни зиёрат қилиш учун 7 ой давомида Перуда яшади Натижада шаҳар фақат унинг ўзи учун очилди

Япониялик Жесси Катаяма 2020 йил март ойида Мачу-Пикчуни томоша қилиш учун Перуга ташриф буюрган, аммо коронавирус пандемияси сабабли ЮНЕСКОнинг Бутунжаҳон мероси рўйхатига киритлган шаҳар ёпилган. Орадан етти ой ўтиб, сайёҳнинг орзуси амалга ошди. «Йўқолган инклар шаҳри» фақат у учунгина очилди, деб хабар беради CNN.

Катаяма 2020 йил 14 март куни Перу шаҳридаги Агуас-Калентесга – сайёҳлар Мачу-Пикчуга саёҳат қилишни бошлайдиган шаҳарга етиб келди ва у ерга кириш учун 2020 йил 16 март кунига чипта ҳам сотиб олди. Аммо, айнан шу куни ҳукумат COVID-19 тарқалишининг олдини олиш мақсадида диққатга сазовор жойга киришни чеклаб қўйди.

Чегаралар ёпилганлиги сабабли сайёҳлар ҳам Жанубий Америкадаги бошқа мамлакатларга бора олмади, шунинг учун Катаяма Агуас-Калентесда кичкина хонани ижарага олди ва етти ой давомида шу ерда яшади. Ўтган вақт мобанйнида у ҳудудни ўрганиб чиқди, дўстлар орттирди ва болаларга боксдан сабоқ берди. Катаямада пул тугаб, уйига қайтишига тўғри келганда, ўз воқеасини Перу сайёҳлик компаниясига айтиб берди.

Бу эса компания вакилларини бефарқ қолдирмаси ва улар япониялик эркакка Мачу-Пичуга кириши учун махсус рухсатнома олишига ёрдам берди. Шундай қилиб, япониялик етти ойдан кейин шаҳарга кирган биринчи киши бўлди.

2020 йил 16 октябрда Катаяма Японияга қайтиши керак, аммо у ҳозирча Агуас-Калентес аҳолиси билан хайрлашмоқда. «Мен ўзимнинг янги қисмимни кашф этишга уриндим», − дейди япониялик сайёҳ.

https://www.instagram.com/p/CGQvpQcpk8p/?utm_source=ig_embed&utm_campaign=loading